मराठी बालकवींच्या कविता

  मधुयामिनी मधुयामिनी नील-लता हो गगनी कुसुमयुता धवलित करि पवनपथा कौमुदि मधु मंगला-- दिव्य शांति चंद्रकरी आंदोलित नील सरी गिरिगिरिवरि, तरुतरुवरि पसरे नव भूतिला-- सुप्रसन्न, पुण्य, शांत रामण्यकभरित धौत या मंगल मोहनांत विश्वगोल रंगला

  गाणाऱ्या पक्ष्यास समय रात्रीचा कोण हा भयाण! बळे गर्जे हे त्यांत घोर रान. अशा समयी छबुकड्या पाखरा तू, गात अससी; बा काय तुझा हेतू? गिरी वरती उंच उंच हा गेला, तमे केले विक्राळ किती याला. दरी गर्जे, फूत्कार पहा येती, किती झंझानिल घोर वाहताती. दीर्घ करिती हे घूक शब्द काही; क्रूर नादे त्या रान भरुनि जाई. अशा समयी हे तुझे गोड गाणे रम्य पक्ष्या, होईल दीनवाणे. तुझ्या गानाचे मोल नसे येथे, कुणी नाही संतुष्ट ऐकण्याते; जगे अपुल्या कानास दिली टाळी, वृथा मानवी हाव अशा वेळी. तुझे गाणे हे शांत करी आता, पहा, गर्जे वन घोर हे सभोंता. किर्र करिती हे तीक्ष्ण शब्द कीट, असे त्यांचा या समयि थाटमाट. पुढे येईल उदयास अंशुमाली, दिशा हसतील वन धरिल रम्य लाली. हरिणबाळे फिरतील सभोवार, तदा येवो गाण्यास तुझ्या पूर. तुझे भ्राते दिसतील एक ठायी, हरित कुंजी ज्या हास्य पूर्ण काही. वदुनि त्यांच्या सह रम्य गीत बा रे, मधुर नादे वन भरुनि टाक सारे.

  ऐतिहासिक स्थळे : पावित्र्य जपण्याची गरज आपल्या महाराष्ट्रातील गड किल्ले, ऐतिहासिक स्थळे इतिहासातल्या त्या पराक्रमी, शौर्यगाथेची ओळख करून देतात. शाळेत असताना सुद्धा शिवकालीन किल्ल्याची माहिती व्हावी म्हणून शाळेची सहल अशाच ऐतिहासिक स्थळावर जात असे. या ऐतिहासिक स्थळांचे पावित्र्य जपायला मात्र अनेक जण विसरतात. ते जपणे निश्चितच गरजेचे आहे, त्याचसाठी केलेला हा प्रयत्न... आपल्यापैकी किती जण या ऐतिहासिक स्थळावर जाऊन त्या भव्य अशा किल्ल्याची व वास्तुची व्यवस्थित पाहणी करतात. आपल्या संस्कृतीचे दर्शन यातून मिळत असते. वेगवेगळ्या कला, चित्र, राजा महाराजांच्या प्रतिकृती, प्राण्यांचे चित्र, जुन्या काळातील अवशेषांचे दर्शन या ऐतिहासिक वास्तूमधून आपल्याला घडत असते. मात्र आपल्यापैकी अनेक जण ह्याच भव्य वास्तूंचे दर्शन घेण्यासाठी जातात आणि तिकडे आपल्याच नावाची प्रदर्शने मांडून येतात. काहींना ही सवय अगदी लहानपणापासून असते. शाळेत असताना बाकावर कोरीवकाम बरेच जण करत असतात. शाळेतल्या बाकावर प्रेमाची निशाणी म्हणून कोरलेला तो 'दिल' त्यावर लिहिलेली नावे, या सगळ्या गोष्टी बाकापासून ते भव्य वास्तूच्या किल्...